ප්‍රණ ඝාතයෙන් වැලකි මි කරදරෙන් මිදෙන්න මෙන්න මග

ඔබත් මියන්ගෙන් පිඩාවට පති වි ඇති අයෙක්ද?පලමු සිල් පදය නිසාවෙන් මී පාසනම්, මී කතුරු හෝ වෙනත් ක්‍රමයකින් මීයන් වද කිරිමට මැලිවන්නේද?

එසේ නම් මෙන්න ඊට මග, "මී කුඩු"

හැදින්විම: මෙම මී කුඩු වල භාවිතා වන්නේ මී කතුරු වල භාවිතා වන මුලධර්මයමයි.එනම් මීයාට ආහාරයට යමක් ලබාදි කොටුකර ගැනිමයි.

උපදෙස්: කුඩුවේ ඇතුලත ඇති කොක්කේ පොල් කැබැල්ලක් හෝ වෙනත් මීයන් ආහාරයට ගන්නා යමක් රදවා මීයන් ගැවසෙන ස්ථානයක තබන්න.

ක්‍රියාත්මය වන ආකාරය:මීයා විවෘතව ඇති දොරෙන් ඇතුලුවි පොල් කැබැල්ල කනවා සමගම දොර වැසේ.

දැන් කොටුවු මීයා නිවසින් බැහැර කැලැවකට හෝ වෙනත් තැනකට ගොස් නිදහස් කරන්න.

අවවාදයයි: කුඩා ලමුන්ට හසුවන ලෙස නොතබන්න, මන්ද යත් ඔවුන් මෙය ලෙනුන්, කුරුල්ලන් වැනි සතුන් ඇල්ලිමට භාවිතා කල හැකි බැවිනි.

ලබා ගත හැකි ස්ථාන: දිවයින පුරා වෙළද සැල් මගින්.

--------------------

මෙය මුදල් නොගෙවා ප්‍රචාරය කල දැන්විමකි.

සීපා ආර්ථික ඝාතකයෙක්ද? | Is the CEPA an economic murder?

ඉන්දියාව හා ශ්‍රි ලංකාව අතර අත්සන් තැබිමට යෝජිත සීපා ගිවිසුම පිලිබදව සටහනක්;

මිට පෙර මා ලියු "ගොහුරු මඩින් පන්නරයෙන්" හෙලිවන ආර්ථික ඝාතකයෝ ලිපියේ මා මුලින්ම ආර්ථික ඝාතකයන් ගැන සදහනක් කර ඇත. නැවත වරක් එම විෂය කතාකිරිමට සිදුවුයේ "සිපා" නමින් ක්‍රියාත්මක කිරිමට පිඹුරුපත් සකස් කරඇති ගිවිසුම නිසාය. මෙය ඉන්දියාව ආර්ථික ඝාතකයෙකු ලෙසින් අප රටේ ආර්ථිකය ඔවුන්ගේ ග්‍රහණයට ගැන්මට යොදන උපාය මාර්ගයක් ලෙස සිතිමට කරුණු ඇති බව සමහරු පවසති. කෙසේ වෙතත් සිපා ගිවිසුමට අත්සන් නොකරන බවට ජනාධිපතිතුමා ප්‍රාකාශ කර ඇති බව මාධ්‍ය වාර්ථා පලව තිබුණා.

මෙම සිපා ගිවිසුම පිලිබදව මහජනතාව කෙසේවෙතත් අවම වශයෙන් පාර්ලිමෙන්තු මන්ත්‍රිවරුන්වත් තවම දැනුවත් කර නොමැතිවිම කණගාටුවට කරුණක්. මෙම ගිවිසුමේ පිටපතක් ලබා දෙන ලෙස ගම්පහ එ.ජා.ප පාර්ලිමෙන්තු මන්ත්‍රි ජයලත් ජයවර්ධන මහතා ඉන්දිය මහකොමසාරිස්තුමාගෙන් ඉල්ලිමක් කල බව මාධ්‍ය වාර්ථා කර තිබුණා.

කෙසේ වුවද මෙම ගිවිසුම අත්සන් කෙරෙන්නේද නැද්ද යන්න රජය තවමත් ස්ථිරවම ප්‍රකාශකර නැහැ. එවන්වු තත්වයක් යටතේ එම ගිවිසුම පිලිබදව ජනතාව දැනුවත් විම කාලෝචිතයි.

"සිපා" යනුවෙන් හැදින්වෙන්නේ පුර්ණ ආර්ථික සහයෝගිතා ගිවිසුමයි (Comprehensive Economic Partnership Agreement). 1998දි හිටපු හිටපු ජනාධිපති චන්ද්‍රිකා කුමාරතුංග මහත්මිය විසින් අත්සන් කෙරුනු නිදහස් වෙලද ගිවිසුමේ තිබෙන අපට අවාසිදායක හා ගැටලු සහගත තත්වයන් ඉවත් කරනලෙස ශ්‍රි ලාංකිය අපනයනකරුවන් කලඉල්ලිමට ප්‍රතිචාරයක් ලෙස ඉන්දියාව මෙම සිපා ගිවිසුම යෝජානා කර ඇත.එම ගිවිසුම යටතේ සිදුකෙරුනේ සහන යටතේ භාණ්ඩ ආනයනය හා අපනයනය පමණකි.එහෙත් නව සිපා ගිවිසුම යටතේ භාණ්ඩ හා සේවා යන දෙවර්ගයම ආනයනය හා අපනයනයට ඉඩ ලැබේ.

2008 වසරේ අත්සන් කිරිමට යෝජනාවි තිබුණු මෙම ගිවිසුම ජනාධිපතිතුමා කල් දැමුවේ දේශිය ව්‍යාපාරිකයන්ගේ ඉල්ලිම මතයි. දැන් එය නැවතත් කරලියට පැමිණ තිබෙනවා.

භාණ්ඩ ආනයනය හා අපනයනය

සිපා ගිවිසුමේ භාණ්ඩ සම්බන්ධයෙන් ඉන්දියාව සමග සාගච්ජා කරන්නේ වාණිජ දෙපාර්තුමෙන්තුවයි.

මෙහි වාසි ගැන සදහන් කරන ප‍්‍රතිපත්ති අධ්‍යන ආයතනයේ විධායක අධ්‍යක්‍ෂක ආචාර්යය සමන් කැලේගම මහතා පවසන්නේ මෙම ගිවිසුම නිසා මිල අඩු, නමුත් ගුණාත්මක තත්ත්වයෙන් ඉහළ ඖෂධ, යතුරු පැදි, ජීප්, ලොරි, දුම්රිය හා කාර්යාල උපකරණ ඉන්දීය වෙළඳ පොළින් මිලදී ගැනීමේ අවස්ථාව ශ්‍රී ලංකාවට හිමිවන බවත් ඒ අනුව, නිෂ්පාදකයින්ට සිය පිරිවැය අඩුකර ගැනීමට හැකියාව ලැබී තිබෙන බවත් මේ නිසා අපනයන වෙළඳපොළට හෝ ආනයන සඳහා ආදේශක ලෙස අඩුපිරිවැය භාණ්ඩ නිපදවීමට නිෂ්පාදකයින්ට අවස්ථාව හිමිවන බවත්ය.

එම කරුණ සත්‍යය වුවද,දේශහිතෛෂී ජාතික ව්‍යාපාරයේ වෛද්‍ය, කේ.එම්. වසන්ත බණ්ඩාර මහතා පවසන්නේ ඒ සමගම මෙරට කර්මාන්තශාලා පිහිටුවා ඇති ව්දේශ සමාගම් ඉන්දියාවේ පිහිටාඇති මවු සමාගම් හෝ ශාඛා වැඩිදියුණු කර මෙරට ශාඛා වසා දැමිමට හැකියාවක් ඇති බවයි.

ගිවිසුම යටතේ මිල අඩු භාණ්ඩ මෙරටට ගෙන්වන්නට ඉඩ දෙන්නේ නම් ඒ මෙරට නිශ්පාදනය නොකරන හා දැනට පිටරටින් ආනයනය කෙරෙන ඒවා විය යුතුය.මෙරට නිශ්පාදනය කෙරෙන භාණිඩ ආනයනයට ඉඩ ලබාදුන්නහොත් ඒ තුලින් දේශිය ව්‍යාපාරිකයා වල පල්ලට යැම වැලක්විය නොහැකි කරුණක් වනු ඇත.අනෙක් කරුණ නම් අපට ආනයනය කල හැකි භාණ්ඩ(උදා. තේකොල, කුරුදු, ඇගලුම්) සදහා වැඩි සහන ලැබෙන ලෙස ගිවිසුම සකස්කල යුතුය.

එහෙයින් මෙම ගිවිසුමේ දැනට දන්නා කරුණු අනුව ඉහත මුලධර්මය ආවරණය වන ආකාරයට ගිවිසුම සකස්කිරිමෙන් අප රට වෙත යම් වාසි ලබා ගත හැකි වනවා ඇත.

සේවා ආනයනය හා අපනයනය

සේවා සම්බන්ධයෙන් ඉන්දියාව සමග සාගච්ජා කරන්නේ ප‍්‍රතිපත්ති අධ්‍යන ආයතනය වන අතර ආයෝජන සම්බන්ධයෙන් ඉන්දියාව සමග සාගච්ජා කරන්නේ ආයෝජන මණ්ඩලයයි.

මෙම ගිවිසුමේ ඇති බරපතලම අංශය නම් සේවා ආයෝජනවලට ඉඩ ලබාදිමයි.එනම් උදාහරණයක් ලෙස ඉන්දියානු සන්නාලියෙකුට මෙහි පැමිණ, ව්‍යාපාරිකයෙකු ලෙස ඇදුම් මැසිමේ ව්‍යාපාරයක් ආරම්භ කිරිමටත්, එම ව්‍යාපාරය සදහා සේවයට ඉන්දියාවෙන්ම සන්නාලියන් ගෙන්වා ගැනිමත් කල හැකිය, එමෙන්ම ඔහුටද එම ව්‍යාපාරයේ සන්නාලියෙකු ලෙස සේවය කල හැකිය.

ඒ යටතේ මෙරටට ඉන්දියානු වෘත්තිකයන්,ගලා එනු ඇත. අද ලෝකයේ සමහරක් රටවල ඉන්දියානු ව්‍යාප්තිය බහුලව සිදුවි ඇත. මැදපෙරදිග මෙනම් යුරෝපයේද තත්වය එයයි.මාගේ මතකයේ පරිදි මා සේවය කරන කටාර් දේශයේ, කටාර් ජාතිකයන් ලක්ශ 7-8පමන සිටින අතර ඉන්දියානුවන්ද ලක්ශ 4ක් පමණ මෙහි සේවය කරති.එමෙන්ම අප දන්නා තවත් කරුණක් නම් ඔවුන් අඩු වැටුපකට වුවද පැමිණ සේවය කිරිමට සුදානම් පිරිසකි.

අප රටේ උගත් තරුණයන් රැකියා නොමැතිව සිටීද්දි ඉන්දියානුවන් මෙහි අඩු වැටුපට සේවය කිරිමට පැමිණිය හොත් රටේ විරැකියාව වැඩිවි රටේ තත්වය තවත් දරුණු වනු ඇත.

මෙහි අනෙක් අතට අපටද ඉන්දියාව වෙත ගොස් එසේ ව්‍යාපාර ඇරබිමට මෙන්ම සේවයේ යෙදිමට හැකියාව

ලැබේ. එහෙත් ව්‍යාපාරිකයන් පවසන්නේ පසුගිය කාලයේ පවා එසේ ව්‍යාපාර ආරම්භකිරිමට ගිය සමහට අප ව්‍යාපාරිකයන්ට විවිධ ගැටලු රාශියකට මුහුණ දිමට සිදුවු බවත් මෙම ගිවිසුමෙන් පසුවද එම තත්වය වෙනස් වේ යැයි විශ්වාසකල නොහැකි බවත්ය. අප ජනතාව ඔස්ටේලියාව, ඇමරිකාවට යාමට කැමති වුවද ඉන්දියාවට ගොස් ජිවත් විමට කැමත්තක් දක්වන් ඇතැයි සිතිය නොහැක.අනෙක් අතට ඉන්දියාවේ ජනග්‍රහණය හා අපරටේ ජනග්‍රහණය සංසන්ධනය කරන ව්ට අප ඉන්දියාවට සංක්‍රමණය විම එරටට දැනෙන ප්‍රමාණයට වඩා ඉන්දියානුවන් මෙරටට ගලා ඒම අපට දැනෙනු ඇත.

තවද උතුරු නැගෙනහිර හා වතුකරයේ දෙමල ජනතාවගේ ගැටලු වලදි මෙන්ම ඊලාම් යුද්ධයේදි ඉන්දියාව මැදිහත්වන ආකාරය බලන විය ඉන්දියානුවන් මෙරටට ගලා ඒමෙන් පසු ඔවුන්ගේ මැදිහත් විම තව දැඩිවනු ඇතැයි සිතිය හැක.

එහෙයින් මෙම සේවා ආයෝජනය නම් අප රටට කොහෙත්ම හිතකර දෙයක් නොවේ. එහෙයින් එය පිටු දැකිය යුතුය.

ඉන්දියාව මෙම ගිවිසුම හරහා උත්සාහ කරන්නේ අප ආර්ථිකට ඔවුන්ගේ ග්‍රහණයට ගැනිමටද?

මුලාශ්‍ර: 1) 2010 ජුනි 02 ලංකාදිප පුවත්පතේ,මල්ටිකෙම් සමුහ ව්‍යාපාරයේ සභාපති සමන්ත කුමාරසිංහ මහතාගේ "සිපා ශ්‍රි ලංකාවට අහිතකර ඇයි" ලිපිය

2) වෛද්‍ය, කේ.එම්. වසන්ත බණ්ඩාර. ඉන්දු - ලංකා ‘සීපා’ ගිවිසුම උවමනා කාටද ?. අන්තර්ජාල ලිපිනය:http://www.lankacnews.com/sinhala/index.php?option=com_content&view=article&id=1825:2010-05-26-15-54-04&catid=1:latest-news&Itemid=269 [ප්‍රවේශවු දිනය:2010 ජුනි 02]

මියගිය බැදිම

දස මස කුසේ දරා

දස වස තුරුලේ හොවා

මෙලොවට බිහිකල

සුරතල් පුතණුව

සොයා පැමිණි මට

ලොව මුදවන්නට

පස්කම් සැප හැර

නිවන සොයා යන

බුදු පුතණුව හමුවිය

අම්මේ කියු කෙලිලොල් බස වෙනුවට

ඇසිනි අමතනු ශාන්ත වදනින්

එකම වදන වුව දැනිනි වෙනස මට තෙපලු විලසටත් වඩා

මා-පුත බැදිම මියගොස් යලි ඉපද ඇත, මහසඝ-උපාසිකා ලෙස

අකුරු කියාදි මා පුත් මනස වැඩු මට

දහම් කියාදි බණ කතා දෙසයි, බුදු පුතෙක් ලෙසින්

මා දෙපා නැමද අකුරු උගන්නට ගිය ඒ පුතණුව

පා නැමද, මා සමුගතිමි කදුලු නෙතින්.

අනේවාසික විදේශ මුදල් ගිණුම් (NRFC) පවත්වාගෙන යැම ලාභදායිද? | Is it profitable to maintain a NRFC account?

අනේවාසික විදේශ මුදල් ගිණුම් (NRFC), බොහෝ විදෙස්ගත ශ්‍රමිකයින් විසින් පවත්වාගෙන යන ගිණුම් වර්ගයකි. මෙම ගිණුම් පවත්වාගෙන යනු ලබන්නේ USD/EUR/GBP/AUD වැනි විදේශ මුදල් ඒකක වලිනුයි.

අනේවාසික විදේශ මුදල් ගිණුම් ආකාර දෙකකින් පවත්වාගෙන යා හැක, එනම් ඉතිරිකිරිමේ ගිණුම් හා ස්ථාවර තැම්පතු ලෙසිනි.

NRFC ගිණුමේ ප්‍රතිලාභ

1) ලැබෙන පොලිය

2) ලැබෙන පොලිය ආදායම් බදු වලින් නිදහස් විම

3) විදේශ මුදලේ අගය වැඩිවිම නිසා ලැබෙන ප්‍රතිලාභය

4) ස්ථාවර තැම්පතු පවත්වාගෙන යන අයට එම තැම්පතුවල වටිනාකමින් 80%ක් දක්වා ණය මුදලක් ආකර්ශණිය පොලි අනුපාතිකයක් යටතේ ලබා ගත හැකිවිම.

ඇමරිකා එක්සත් ජනපද ඩොලර්(US$) වලින් පවත්වාගෙන යන ඉතුරුම් ගිණුම් සදහා ජාතික ඉතිරිකිරිමේ බැංකුවේ දැනට වාර්ශික පොලි අනුපාතිකට 2.5%ක් වන අතර ස්ථාවර තැම්පතු සදහා එය 3.5% (වසරක කාලයකට) සිට ඉහලට වේ.

මෙම ලිපියේ අරමුණ වනුයේ මෙම සාමාන්‍ය ඉතුරුම් ගිණුම් වෙනුවට NRFC ගිණුම් පවත්වාගෙන යැම වාසි සහගතද යන්න සාගච්ජා කිරිමයි.

මෙහිදි ලැබෙන මුල්‍යමය වාසි(පොලිය හා ගිණුම පවත්වාගෙන යන මුදලේ අගය වෙනස් විම ) ගැන පමණක් අවධානය යොමු කර ඇත.

සාමාන්‍ය ගිණුමක හා NRFC ගිණුමක් සැසදිමේදි, සාමාන්‍ය ගිණුමක පොලිය NRFC ගිණුමකට වඩා වැඩිය. වර්තමානයේ සාමාන්‍ය ගිණුමක වාර්ශික පොලි අනුපාතිකය 5 - 6 %ක් වන විට NRFC ගිණුමක 2.5% ක් පමණවේ. 2009 වසරේ එය දල වශයෙන් 10-11% හා 2.5% ලෙස පැවතුනි.

බැලු බැල්මටම වාර්ශික පොලි අනුපාතිකය වැඩි නිසා සාමාන්‍ය ඉතුරුම් ගිණුමක් පවත්වාගෙන යැම වාසි සහගත ලෙස පෙනුනද එය එසේ නොවිය හැක, මන්ද යත් NRFC ගිණුම පවත්වාගෙන යන මුදල් ඒකකයේ (US$ ලෙස සලකමු ) අගය සාමානයෙන් කාලයත් සමග වැඩි වන නිසාය.

පසුගිය දස වසරක කාලය තුල ඩොලරයේ අගය වෙනස්විම නිරුපණය කරන පහත ප්‍රස්ථාරයට අනුව 2001 මැද භාගයේ සිය 2009 අග භාගය දක්වා ඩොලර්යේ අගය වැඩිවි ඇති අයුරු පැහැදිලි වේ.

ප්‍රස්ථාර 1

ඒ අනුව NRFC ගිණුමක් පවත්වාගෙන යැම වැඩි වාසි සහගත දෙයක් විමට නම්

1) ගිණුම පවත්වාගෙන යන මුදල් ඒකකයේ වටිනාකම සිග්‍රයෙන් ඉහල යැම

2) සාමාන්‍ය ගිණුම් සදහා ලැබෙන පොලි අනුපාතිකය NRFC ගිණුමට ගෙවන පොලි අනුපාතිකය හා සසදන විට එතරම් ඉහල අගයක් නොගැනිම විය යුතුය.

2009 වසර ගත්කල එය NRFC ගිණුම් හිමියන්ට එතරම් ප්‍රතිලාභ ගෙනදුන් වසරක් නොවේ. එසේ වුයේ ඩොලරයේ අගය සැලකිය යුතු ලෙසින් වැඩි නොවිමත් NRFC ගිණුම් සදහා වාර්ශික පොලි අනුපාතිකය 2.5% වන විට සාමාන්‍ය ගිණුම් සදහා ගෙවන වාර්ශික පොලි අනුපාතිකය 10% ක වැනි අගයක තිබිමත්ය. එම වසරේ ඇමරිකානු ඩොලරයේ වටිනාකම ආසන්න වශයෙන්, ජනවාරි - රු.112 ,අප්‍රේල් - රු.120 හා අනෙක් මාස 10දිම රු.114ක් විය

එමෙන්ම 2009 වසරේ නොවැම්බර් මාසයේ සිට ඩොලරයේ අගය සිග්‍රයෙන් අවප්‍රමාණ වි ඇති ආකාරය පහත ප්‍රස්ථාරයෙන් පෙන්නුම් කරයි.

ප්‍රස්ථාර 2

සරල උදාහරණයක් ගෙන බලමු.

2009 ජනවාරි මස 2 දින US$ 1000 ක් NRFC ගිණුමට හා රුපියල් 112,996.50 (1US$= 112.9965) සාමාන්‍ය ඉතිරිකිරිමේ ගිණුමට එවු අයෙකුට ලැබෙන ප්‍රතිලාභ වෙන වෙනම ගණනය කරමු.

NRFC :

යෙදවු මුදල: US$ 1,000.00

වාර්ශික පොලි අනුපාතිකය : 2.5%

31-12-2009 දිනට පොලිය : 1,000.00 * 2.5% = US$ 25.00

31-12-2009 දිනට මුලු මුදල : 1000.00+25.00 = US$ 1025.00 = Rs. 117,244.01 (1US$= 114.3874)

සාමාන්‍ය ගිණුම්

යෙදවු මුදල: RS. 112,996.50 (US$ 1,000.0)

වාර්ශික පොලි අනුපාතිකට : 10.6 %

31-12-2009 දිනට පොලිය : 112,996.50 * 10.6% = Rs. 11,977.63

31-12-2009 දිනට මුලු මුදල : 112,996.50+11,977.63 = Rs. 124,874.13

ඉහත උදාහරණයට අනුව අදාල තැනැත්තාට NRFC ගිණුමක් පවත්වාගෙන යැමෙන් කිසිදු වාසියක් සිදුවි නැත

එහෙත් මෙවන් අවස්ථාවක් සලකන්න.

ඉහත පරිදිම ජනවාරි මස 02 දින NRFC ගිණුමක් ආරම්භ කර එහි මුදල් අප්‍රේල් මස නැවත රුපියල් බවට හැරවුයේ නම්;

NRFC :

යෙදවු මුදල: US$ 1,000.00

වාර්ශික පොලි අනුපාතිකය : 2.5%

31-04-2009 දිනට පොලිය : (1,000.00 * 2.5%)/3 = US$ 8.33

31-04-2009 දිනට මුලු මුදල : 1,000.00+8.33 = US$ 1,008.33 = Rs.121,073.51 (1US$= 120.0729)

සාමාන්‍ය ගිණුම්

යෙදවු මුදල: RS. 112,996.50

වාර්ශික පොලි අනුපාතිකය : 10.6 %

31-12-2009 දිනට පොලිය : (112,996.50 * 10.6%)/3 = Rs. 3,992.54

31-12-2009 දිනට මුලු මුදල : 112,996.50+3,992.54 = Rs. 116,989.04

ඉහත උදාහරණයට අනුව නම් අදාල තැනැත්තාට NRFC ගිණුමක් පවත්වාගෙන යැම සාමාන්‍ය ගිණුමක් පවත්වාගෙන යැමට වඩා වාසි සහගතය.

ඒ අනුව පැහැදිලි වන්නේ ගිණුමෙන්වැඩි ප්‍රතිලාභයක් ලැබෙන්නේ ඩොලරයේ අගය ඉහල ගිය අවස්ථාවේදි මුදල්, රුපියල් වලට පත් කිරිමෙන්ය. එනම් රුපියල අස්ථාවර වන කාලයන්හිදිය. රුපියල අස්ථාවර වි ඩොලරයේ අගය ඉහල යැම රටට එතරම් හිතකර නොවුවත් එය NRFC ගිණුම් හිමියන්ට නම් හිතකර තත්ත්වයකි.

ඩොලරයේ අගය අඩු වුවහොත් එය NRFC ගිණුම් හිමියන්ට සුභදායි නොවේ, එවිට ඩොලරයේ අගය අඩුවිම නිසා සිදුවන පාඩුවද දරා ගැනිමට සිදුවේ.

NRFC ගිණුමෙන් ලැබෙන ප්‍රධානම වාසිය පොලිය නොව ගිණුම පවත්වාගෙන යන මුදල් ඒකකයේ අගය වැඩිවිම නිසා වන මුල්‍යමය වාසියයි.

බැංකු පොලි අනුපාතිකයන් ලබාගත්තේ මෙතනින්

විදේශ මුදල් හුවමාරු අනුපාතිකයන් ලබාගත්තේ මෙතනින්

පසු සටහන:

09-06-2011 සිට 14-06-2011 දක්වා ඩොලරයේ අගය වෙනස් විම.

ප්‍රස්ථාර A

2010 මැයි මාසය තුල ඩොලරයේ අගය වෙනස් විම

ප්‍රස්ථාර B

මහලු විය

දෙපා වාරු නැති සැරයැටි හිමි නැති

මහලු විය අද පැමිණිලා

පෙරදා මා රැකි උන් අද මා හැර ගොස්

මේ මහ මග මා තනිවෙලා....

හිසට සෙවන දෙන මහ මන්දිර තනන්නට

මුදල් සොයන්නට පිය නැගු මාවත අද මා තනිවෙලා

පෙර දින රියනැවතුම

මා නිවසයි අද දින

එදා සුරතේ එල්ලි ගිය පුතණුව

අද ඉගිලි යනවා මාදුටු විගසම

හෙලු දාබිදු උන් වඩවන්නට

සිහිවන විට ගලයි කදුලු බිදු දෙනෙතේ අගින්

කාලය ඉගිලෙයි නොසිතු ලෙසින්

අහිමිව ගිය මා පැතු ලෝකය

ගැන නොම පසු තැව්, හිමිවන්නට යන

කැම පැකට්ටුව වෙත පියනගමි සෙමින්