සුනාපරන්ත කටාරයේ තතු…

 තණකොල ගසක්වත් නොවැඩෙන මහ                     පොලව

කතරක්ය මේ දිවයින පවතින, මේ                            ලොව

වසරකට දින තුන සතරකි වැටෙන්නේ වැස්ස                  නව

නැතිදෝ බලන්නේ දෙවියනි, දෙස මේ                                 දිව

ගැබුරට කණිනවිට මේ කර්කශ මහ                                      පොලව

මතුවේ තෙල්, ගැස් සම්පත අඩු                                              නැතිව

සොයයි ආදායම තෙල්, ගැස් සම්පත පටවා විදෙස් රට                            තව

ගැස් ආදායමයි පලමු තැන මෙහි, වැටුනද තෙල                       දෙවනුව

කර්කශ පොලව මත අතුරා සරුම                                        පස

එය තුල සිටුවා තණ, වැල් හා විවිධ                                     ගස

යොදනවා අසුචි වලින් උකහා ගත් ජලය, හරි අගේට                 යස

ඒවා දුටුවිට නොම සිතේ මෙය කතරක්ය,නොමැති                       ගස

එක් සෘතුවක, දහවල නගිනවා උණුසුම සෙල්සියස් පනහටත්                                        උඩ

දැනෙන්නේ සිටිනා ලෙසයි රත්වු තැටිය                                                                   උඩ

තව සෘතුවක, ගොම්මන උණුසුම දැනෙන්නෙම නැ සෙල්සියස් පහලෝවෙන්                           උඩ

දැනෙයි අපි ඉන්නේ සිතල නුවර එලියේ,ලක්දිව රටේ                                                   උඩ

සියොලගම වසා යන එන සැම තැනම                            යති

මුහුණු වැස්ම  උස්ස උස්ස අහර                                   ගති

කලු හැර වෙන පැහැ ඇදුම් නැත, ඒ උන්ගේ                    ගති

 පිරිමින් තරම් නැතද, මේ දිව කතුන් සැහෙන්න                වෙති

  

රාමසාන් යනු මේදිව                                                              අවුරුද්ද

උපවාස කරයි මුසල්මානු රට වැසියන් අහර                                    නුබුද

ලක්දිව එකෙන් සිටියා සිපිරිගේ රාමසාන් කල ප්‍රසිද්ධියේ අහර              බුද

සමරයි රට වැසි රාමසාන්  නොඇසුනත් හේවිසි                                 නද

නිති රිති දරුණුම නැ සෞදි                                                             වගේ

එනමුත් ලිහිලුත් නැ ඩුබායි                                                             වගේ

නිදහස ඇතත් අදහන්න ආගම                                                        මගේ

නැත තවමත් පන්සලක් යන්නට, ඔබ කිතු පල්ලි යනවා                                වගේ

                                               

පොකුණ

ගොඩ පොර ගසේ පාමුල උල්පත්                                   පෙලක

උනන දියෙන් පිරෙනා ලිද තිබේ ගල්හෙනේ                  කොනෙක

එන්නේ නාන්නට ගමේ කවුරුත් හැම                                       දිනක

අඩුවක් නැතිව සැමටම දෙන වින්දනේ, සිතල ජල                 කදක

ගොඩ පොර පාවෙයි ලිදේ ජලය                                         උඩ

සමහර ඒවා ගලනවා කාණුවේ                                            මඩ

දියබරි ගැවත් ඉද හිට එහෙ මෙහෙට                                    බඩ

නැ කිසි දිනක නෙත ගැටි විසකුරෙක් ලිද                                        බඩ

සිතල ජල පහස පමණක් නොවේ දෙන්නේ               මෙතන

ගම හැම විස්තර හුවමාරුව වෙන්නේ                             මෙතැන

යන එන මග දෙපස ගල් අන්නාසිත් ඇත අපි                නොකන

කජු, පේර වෙරලුත් ඇත පාර දිගට                               යන

අප නැවේ බාල්දියෙන් සිටගෙන කලු ගල් ලිං                    තලය

ලිං බැම්මේ කිරි මැටි කලකදි බොල් පිලිමෙක ජිවිතය                විය

අපේ බරත් බරක් නොවුනි ටයර් වලට ලිද ඉහමත්තේ              සිටිය

රබර් ගසට බැදි රෙදි වැල අප සැමගේම                                      විය

ඉසිනාවිට ලිද තරුණ සැම එකමුතුව ගම්                               පලාතේ

බවලත් උදවිය ගෙනාවේ වෙල්ල වැහුම් හා                                මියුරු තේ

කාරිය ඉවරවෙන විට කැම පැය පසුවි හෝරා දෙක තුනක්           යතේ

වෙහෙසක් නොවේ නිසා අපේ සතුට                                               සිතේ

හුංගන් මඩකරියන් රිංගන මඩ                                    පතුලේය

ඒ මඩ තුලින් උන් අල්ලන්නේ පොඩි                                අපිය

මාලුන් මැසින්නියෝ පිරි බේසම හරි                                බරය

අවසන ලිද වතුර පිරෙනා විට උන් දැමිමත් හරියට කල     යුතුය

මැෂිම

සන්නාලි අමිමාගේ මුදල්වු දහඩියේ සවියෙන්

දස වසකට පෙර කැන්දන් ආ නුඹ,

ඉරිච්ච කලිසම, දිරච්ච කමිසය

මේ සැම පිලියම් කල නුඹ,

තෙල් වෙනුවට කදුලු බිබි

හනික දිවුව නුඹ,

අන්තිමට,

අපේ කුසගින්නට

උකස් කඩේට සින්නවු නුඹ

අනාගත වෙදදුරු හඩ

හිතවත, නවතින්න මදකට,

ඔබ මා වෙහෙසුන අරමුණ මතකද?,

වෙදදුරෙක් වන්නට, ගත සිත සුවලන

දනන්ගේ ඇප උපකාරවු හෝඩියේ සිට

ඔබ දිනා තරගයෙන් පිවිසියා රජයේ වෙද විදුහලට

මා මදක් පසුබැ නිසා නොහැකිවිය එය ලබන්නට,

මට පසුපසින් සිටි බොහෝ දෙන එය ලබන විට දුශ්කර පදනමින්,

එහෙයින්,

නොමැතිද අයිතියක් මා හට පෞද්ගලික වෙද විදුහලට පිවිස වත්

ඒ හීනය  යථාර්තයක් කරගන්නට

මේ සිරිලක මුදල්

ඉතිරි කර මේ රටේ

ගන්නා සුදුසුමක් කිමද

නොවටින්නේ

පර දේශ සුදුසුමක් තරම්වත්?

රැකගත යුතු නොවේද 'නිදහස් අධ්‍යාපනය',

ජාති, ආගම්, කුල, තරාතිරම, මුදල් ඇති නැති සියලුදෙන හට

ඉගෙනිමට ඇති අයිතිය.