කාලයක සිට කවි නිසදැස් ලියුවත් එවා බෝහෝමයක් අස්ථාන ගත වුනේ කොලවල ලියු නිසා.පාසලේදි, සරසවියේ දි හිතට එන දේ පදය රචනාවක් ලෙසින එලියට එන්නේ ඒ වෙලාවේ අතට අහුවෙන කොල කැබැල්ලකින්.
බ්ලොග් සටහන් අතර සැරිසරද්දි සොයුරියක් සටහන් කරලා තිබෙනවා දැක්කා ඇය පාසල් කාලයේදි කවි පබැදුමි සදහා පොතක් වෙන් කරලා තියාගත් බව.මටත් හිතුනා මගේ ණිර්මාන සදහා පොතක වෙන් කරන්න.
(අනුන් කරන දේකරන්න ගියොතින් අපිත් වදුරෝ වෙනවා……….. කියලා ගිතයකින් කියවුනත් හොද දෙයක් කාගෙන් හෝ ඉගෙනගත්තාට වරදක් නැතැයි මට හිතෙනවා. ඒත් අනුන්ගේ දේ එලෙසම අනුකරනය නොකර එයින් ගත යුතු දේ අවශෝෂණය කර තමන්ට ආවේනික දෙයක් ගොඩ නැගිම තමයි විය යුතු දේ.)
කොහොමහරි මම ලංකාවෙන් එනකොට අරගෙන ඇවිත් තිබුන අභයාස පොත් දෙකෙන් එකක් මේ සදහා යොදාගන්න හැකිවුනා.මම අතට ගත්ත පොත NSP වෙලඳ නාමයෙන් එන අභයාස පොතක්. ඒ පොතේ කවරේ ඇතුල් පැත්තේ සටහන් කරලා තිබුනා “සිරිත් මල් දමේ” එක කවියක්.
අගුරු හුණු කැට ගෙන
විහිලු නො ලියනු තැන තැන
බිත්ති කණු කිසි තැන
යමක් නො ලියනු අයුතු විලසින
ලංකාවේ පොදු පවාහන සේවාවක , පාරවල් වලට යාබද තාප්ප වල ලියල තියන තේරුමක් නැතිදේවල් මතක් වෙන කොට මට හිතෙන්නේ සිරිත් මල් දම වැනි උපදේශනාත්මක කාවයවල ආභාශය ඒ අයට ලැබිලා නැතුව ඇති කියලයි.
ඒත් සරසවියේ පාසැලේ තිබෙන කැටපත් පවුරක සිතුවිලි “අයුතු විලසින් ලියපු දේවල්ස් නෙමෙයි කියලයි මට හිතෙන්නේ.
ලංකාවේ පොදු පවාහන සේවාවල ,තාප්ප වල ලියල තියන දේවල් දැකලා තියන මට රටින් බැහැරව කටාර් දේශයට ආවාමනමි එහි පවාහන සේවාවල , තාප්ප වල අයුතු දේවල් ද්කින්න ලැබුනේ නැ.ඒ සිරිත් මල් දම නොතිබුනාට තිබෙන නිති රිති නිසා වෙන්න ඔනේ.
ලංකාවේ බෞද්ද අපි හැදුනේ වැඩුනේ බෞද්ද පරිසරයක. බුදුරජාණන්වහන්සේ පණඝාතයේ ආදිනව පෙන්වලා දුන්නා මිස නිති රිති දාලා වලක්වන්න උත්සහා කලේ නෑ.
හරි දේ තේරුම් අරගෙන වැරදි දෙයින් වැලකිය යුතුයි.එතකොට අපිටත් පුලුවන් වෙවි ලස්සන ලංකාවක් ගොඩනැගිමේ කොටස් කරුවෙකු වෙන්න.
උගත්කම අපේ කම
සමග සිතේ ඇති මිනිස් කම
වැදු මව හැදුණු රට සමග සැම
වෙනුවෙන් කලයුතු දේ ඇත බොහෝම
හරි වැරදි බේරා ගෙන
කරනු හරි දේම හැකි පමණ
වගකිම අපේ සමාජය ගැන
ඉටු කරනු ලක්පුතෙකු ලෙස හැකි පමණ
බස් රියේ දුම්රියේ පාසලේ
පොදු සැම තැන,අප යනේන සැම වෙලේ
සුරැකුවොත් තම නිවස මෙන් අපේ කලේ
විය හැකිය රන් පුතෙක් මේ සිහලේ
සටහන: සිරිත් මල් දමේ කවි අසිපත බ්ලොග් අඩවියයෙන් බලා ගන්න පුලුවන්(http://asipatha.blogspot.com/2007/10/2.html
ලංකාදිප පුවත්පතේ අන්තර්ජාල සංස්කරණයේත් දැන් සිරිත් මල් දමේ කවි පලකරනවා.
To view in PDF format:
Click
No comments:
Post a Comment
හිතෙන දේ ලියන්න.යුනිකොඩ් එසැණින් පරිවර්ථකය.